Letra para practicar do rap do Magosto

Señora María, señor Manuel, castañas asadas e leite con mel.

Este venres, Magosto no noso cole!!!

Os meteorólogos de Pazos

Disque en galego hai máis dun cento de palabras relacionadas coa chuvia: poalla, barrafa, chuvisca, orballo... Non me estraña, chove tanto!

Este ano, en toda a etapa de infantil e primaria, ímonos a converter en científicos e indagar sobre o clima e a meteoroloxía.

Todos os días, unha aula encárgase de actualizar o panel meteorolóxico central, onde recollemos datos de temperaturas grazas aos termómetros que temos nos corredores e exteriores do centro, indicamos a pluviosidade e cantidade de chuvia acumulada o día anterior e temos un mapa co tempo actual e a predición futura. Pemán vaise quedar abraiado co noso traballo. Que non sabes quen é Pemán? Pregunta á túa familia.


E todas estas actividades, coñecendo un pouco máis o noso idioma.

Aquí tedes o panel.

Teredes máis novas nosas proximamente.

E depois do Samaín, chegamos ao Magosto.

 Nas vindeiras semanas, traballaremos no centro todo o relacionado con esta celebración e, un día calquera, faremos a nosa particular celebración camiñando cara o solsticio de inverno.

VEN ONDA NÓS O OUTONO
DACABALO DO AIRE;
NOS CAMIÑOS DA FRAGA
OS OURIZOS XA ABREN.
SÍNTOO CHEGAR CONTENTO
DA ETERNA VIAXE
ENREDANDO ENTRE AS FOLLAS,
ESTREANDO FRIAXE.
ANA Mª FERNÁNDEZ.”Ondas de verde e azul”.Xerais

 

Festa das cabazas e dos calacús no colexio

Samaín 2015 - Kizoa Movie Maker